- MIN ÇI DÎT?
Ez warek bûm
Wareke bê hempa,
Derguşa mın bû
şarıstaniya heri kevnar
di hembêza çot çeman de
li ser axa min dijiya mak
a mirovahiyê
diza şaristaniyên nû
yek bi yek
wek
gulên berbi ro
dojeha min buhuşt bû
li hember çolên Ereban
her kî hate ser min
ez hebam
min jî ew hebandin
min hov jî dîtin
li ser kaniyên xweyên qerqaş
wek pêsîrên keçên çardeh salî
pê lê kirin
Ez herimandim bi nalen hespan ên bi xwîn
Li ser zeviyên nû bişkivî
Kuştin maka min
A ku ez dîtim û pêşkeşî cihanê kirim
Xak
ma bê mak
Ez bi xwîna kedkarên xwe hatim avdan
Şûr rabûn
Li ser seren çiyayên bilind
Ên nîvê ezman
Û ber bi roj
Toza pê wan
Tarî kir roja min
Talan bû bêrawestan
Kedên destan
û kedên mêjuyên yekemin
li mezrabotan
vegeriyan dengên şûran
bûn balafir
rabûne ser tixubên derewkar
Siyaseta qirêj
Bû wek mar
Mêjû xwar
Wek ajalên li ser milên dehaq
Rabû kawayê hemdem ê hesinkar
Şer kir li hemberê
Barbar
û kesên zulumkar
ên bêhempa.
Min çi dît?
Tav qulubîn di heriyan de
Li ser axa min a jiyankar
Lîleke bê binî
Bû deryayeke derewan
Mêjeke bê destnimêj
Duayeke bê amîn
Ez çavên xwe digerînim
Bi hêstirên xwîn
Ka xwediyê min
Ên bê derew
Pak û paqij
Ka çiyayên min ên bê mij
Kaniyên min bê xwedî mane
Tijî bûne pêsîrên min
Dergûşa min di tariyê de
Nikarim hişiyar kim
rakim
ji nû ve bidim mêjandin
bi pêsîrên tijî
û bi tîrêjên tavê
min çi dît?
Xwîn digirîn malen wêran
Di bêdengiyeke tarî de
Û hestiyên di devên ajalan de
Dijiya derûniya min
Rojê dida
Ez ronî dikirim
Lê nedidît
Çavên mîlkêşandî
Rewşa min
Kesî nedibihîst
qêrîna min ên li ser diwaran
û denge milên dişkestî
min zarokên berxwedanê dît
li hember tomayên dîn
zarokên dest biçûk,
dev biçûk ,
bêfil biçûk
bi çavên xwe yên hûr
didîtin pirsgirêk ka çiqas kûr
ewqas zor bû çareserî
her keçeke dest bi kergexan
diçandin tîrêjên rojê
li ser çiyan
wek agirê newrozê
geş dibû jiyaneke bê hempa
dayikên mezrabotan
dil disotan
li ser welatê perçebûyî
û li ser tixûbên mafên mirovan(!)
dayikên dilkovan
xwarin çê dikirin
ji serjêkerên xwe re
Halepçe
Dersim
Û li ser axa geliyê zîlan
Di dilen wan re diçûn kevçiyên dar
Di nav xwarinan de
Rêça wan wekî birîna şûr
Lê mecbur
Bi hêviyeke bê hêvîdar
Neçar
Dibûne evîndar
Ên serjêkerên xwe.